旺角東站售票機變「老虎機」狂吐5毫，網民：中Jackpot咁。(Thread)
日前有網民於社交平台分享在港鐵的奇遇，指自己在旺角東站一售票機入了一張10元紙鈔找贖，售票機竟然狂吐一堆5毫子，引發網民關注。港鐵其後表示，涉事售票機的找續功能出現異常，經工程人員跟進後已回復正常運作。
有網民周一(5日)在社交平台Threads以「港鐵買旺角東去大圍嘅飛，入咗10蚊紙幣結果找咗咁多錢。(有攞返俾客務中心)」為題發文，並上載了相片，顯示售票機的找續盤有一大堆5毫子，亦見樓主雙手捧著一堆5毫子。港鐵回應傳媒查詢，指5月5日下午約2時旺角東站1部售票機的找續功能出現異常，車站職員收到乘客反映後，已即時安排工程人員跟進，其後已回復正常運作。
網民：想像到啲聲好似中Jackpot咁
相關帖文引發網民議論，笑指樓主身處在冒險樂園或賭場：「第一眼以為推銀仔」、「有冇可能，其實係你中獎？中咗三個7？」、「你sure自己唔係喺冒險樂園？」、「已經想像到啲聲應該會好似中Jackpot咁」、「老虎機中大奬」、「不是地鐵購票機，簡直係平行時空，澳門老虎機」、「呢度起碼有50蚊，5倍回報勁過種生機」、「全5毫？冒險樂園嗎？好少咁找㗎喎」。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
