產品質量先行 本地用藥需求為依歸 耀南洋行 默默守護港人健康逾60載
「耀南洋行」這個名字較少走進大眾的視野，但其實大家很大機會用過、甚至正在使用由它生產或代理進口的藥品。耀南洋行在香港低調耕耘超過60載，一直以來透過不同渠道包括公營醫院、私家醫院、診所及藥房供應各式藥物予全港市民，某些由它引進的藥品更持續多年成為醫院及醫生的處方首選。為何藥品遍布全港，卻鮮少消費者認識這個「老字號」？耀南洋行總經理李錦龍先生直言，這與公司多年來堅持「產品先行，品牌在後」的經營哲學及市場策略有密切關係。
菲律賓總公司成立80年
鮮少亞洲廠房獲歐洲GMP認證
「耀南洋行其實係一間海外公司嘅分支，總公司喺菲律賓，啱啱過咗80週年。由一間藥房仔開始，慢慢發展成生產商，業務遍佈東南亞多個國家，例如新加坡、馬來西亞、越南、泰國同印尼，甚至中東地區都有我哋嘅業務。」李先生補充，耀南洋行位於越南的廠房更獲得歐洲GMP認證，在亞洲並不多見，足以反映公司對品質的高度要求。
李直言，耀南洋行不以公司品牌為主導，而是讓每個產品品牌自己說話：「我哋嘅角色比較似一個批發商 (wholesaler)，將產品供應畀唔同買家，再由佢哋轉售畀最終用家。因為咁，好多消費者其實用緊我哋嘅產品都唔知道，甚至我哋公司有新同事返工先發現，原來自己一直都係用緊公司嘅產品，非常有趣。我哋嘅策略係先以產品品牌打響名堂，等我哋旗下嘅知名品牌累積到一定數量，先會考慮將公司品牌嘅形象提升。」
耀南洋行多年來不以公司品牌為主導，而是著重產品本身的品質，品質先行，自然能夠做到有口皆碑。
香港氣候與「愛返工」文化
促成獨特藥品市場特色
時至今日，整個集團經營超過一百個品牌，在香港則營運約20多個品牌、60多款產品。李先生指，香港是集團較早開始引入外國品牌的地區之一，早於10多年前經已開始引入歐洲品牌。「香港消費者對產品嘅產地會有啲既定印象，而每個國家地區嘅消費者都有一套唔同嘅『用藥習慣』，背後牽涉到氣候、生活文化同人口結構等因素。我哋最核心嘅原則，係引入能夠真正滿足市場需要、有質素、可以信賴嘅產品，而唔係單靠廣告硬銷。」李分享他對香港用藥市場的深刻觀察，舉例香港的氣候特點會使傷風感冒藥物全年都有需求；香港人「點都要返工」的文化特色，打工仔許多時「自己食藥頂住先」，亦令症狀紓緩類藥物特別受歡迎；面對香港社會人口老化情況加劇，治療慢性疾病藥物的需求顯著上升等。
不以短期銷量為目標的經營哲學
順應市場變革線上線下雙軌並行
談到公司推廣策略時，李先生強調耀南洋行不以價格競爭為導向，而是堅持質量優先的原則。「我哋好重視同醫生、護士、藥劑師等專業人士嘅聯繫，因為我哋好多產品嘅優點需要具備專業知識先能夠解釋得清楚。」李認為，這種通過專業人士口碑建立信任的策略，能夠建立更長遠、更穩固的客戶關係，而年長一輩亦較傾向信賴專業人士的建議。
然而，一場席捲全球的世紀疫症，成為許多企業轉型的催化劑，耀南洋行也不例外：「COVID-19可以話徹底改變咗香港人嘅購物習慣，疫情期間，大家發現網購真係好方便，尤其係買啲重嘢或者急用嘅嘢，我哋都因而增加咗網上銷售渠道。不過，我哋冇放棄傳統零售渠道，因為有啲產品需要專業人士，例如藥劑師去講解，呢種真人溝通同專業建議係網上平台取代唔到嘅。」他更舉例說明，疫情期間，耀南洋行代理的其中一款退燒產品突然需求大增，正是因為長期以來在醫療專業界別建立的良好口碑所致。「我哋相信，只要將產品嘅根基打好，得到一班支持者，當時機一到，產品嘅銷量自然會爆發。」
小朋友全人發展屬長遠投資
如同堅守產品質素必有回報
這種重視長遠而深刻效益，而非追求即時、表面成果的經營哲學，與鼓勵現今小朋友全人發展的理念不媒而合，驅使耀南洋行成為「全港小學學界三項潛能傑出學生選拔2025 (S.A.M Project 2025)的贊助商之一。「小朋友嘅發展唔應該淨係得學術，我哋好認同S.A.M Project提倡音樂、藝術同體育嘅理念，呢啲藝術薰陶，如果唔係為咗功利咁去考級、考證書，對佢哋長遠嘅人生發展有好重要嘅影響。音樂或者藝術可以成為一個媒介，幫佢哋同世界各地嘅人交流，擴闊眼界。我哋希望支持呢種理念，鼓勵小朋友全人發展，因為呢種長遠嘅投資，就好似我哋耀南洋行重視產品質素一樣，個回報係會喺未來幾十年慢慢浮現。」
最後，李先生特別介紹4款適合香港小朋友使用的暢銷產品，並預告於9月28日S.A.M Project 2025嘉許禮當日會在現場提供免費試用：
1. 驅蚊敵系列
耀南洋行是本港首間引入Icaridin驅蚊成分產品的公司，Icaridin比傳統DEET副作用更少，與DEET同樣有效驅蚊，更能有效預防基孔肯亞熱。
2. Oral Gel痱滋膏
產品含有蜂膠，味道如蜜糖，連小朋友都樂於使用，能有效紓緩痱滋痛楚。
3. 益能康Enervon-C系列
高劑量維他命B雜與維他命C補充劑，在醫護界中享有盛名，接受化療的癌症病人常用作補充體力。維他命B雜猶如身體的一個「引擎」，幫助將食物轉化為能量，提升精神；維他命C則有助增強抵抗力。
4. Ceelin維他命C軟糖
專為兒童設計，包裝復古如小賣部零食，一包6粒含240mg維他命C，足夠達到預防傷風感冒的效果。既可為小朋友補充營養，家長也可用作為零食獎勵，概念貼心。
(資訊)
ADVERTISEMENT
