網民直擊外賣員還原倒瀉飲品(Threads圖片)
食物安全十分重要，不過，有網民近日目擊有名「貼心」的外賣員還原倒瀉的飲品，「保證你收到order嘅食物」。
外賣員在過程中保持笑容
網民在社交平台Threads公開事件，指近日在觀塘工業中心目擊有名外賣員將袋中一至兩杯倒瀉的飲品「還原」，「貼心嘅外賣員將你杯嘢好安全咁放喺地下，再拎起外賣袋將倒瀉咗嘅飲品斜角倒返入去個杯度，以保證你係有收到你order嘅食物，全程仲保持禮貌嘅笑容㖭」。
網民直擊外賣員還原倒瀉飲品(Threads圖片)
網民：夠哂地道擺喺地度加工
「樓主」希望靠Threads找到事主，提醒他們不要喝。有網民留言「我都祝福佢呢世唔會叫外賣呀」；「唔封膜嗰啲一律唔會再買，自己拎都好易倒瀉，何況人哋送貨」；「夠哂地道嘅飲品，根本就擺喺地度加工」。
