田北辰宣布不參與下屆立法會選舉。(資料圖片／周令知攝)
75歲的立法會議員、實政圓桌田北辰早前宣布不會競逐連任。他今早(22日)在電台節目中回顧過去13年議會生涯，他稱曾考慮過繼續參選，因為評估認為自己的勝算比黨內新人高；但他見到議會內其他同事一個一個退選，其他政黨也派出不少新人參選，反思過後認為是時候要交棒，為了實政圓桌的日後發展，決定「交棒」予地區總幹事參加新界西北直選。
遭形容「建制派壞孩子」：過去呢4年仲點做呀？
田北辰表示過去4年已經推動了不少議題，認為自己可以利用做出的成績去支持接班人，「我都唔知未來4年如果我繼續做，仲有無咁多議題畀我做」，他擔心如果屆時才交棒，根本無足夠政績支持繼任人，到最後都覺得要交棒，「如果實政圓桌都可以一直維持落去，對我嚟講一生不枉此行。」
他坦言自己退選原因之一，是見到「有啲覺得唔會退選嘅人都退咗」，包括飲食界立法會議員，76歲的張宇人，指張雖然與他並非最好的朋友，但他的確為飲食界做很多事，「既然佢都要退，就令我思考係咪都要諗諗呢」。
今屆議會「告別議案」遭撤回，被問到會否感到可惜，田北辰回應上電台「依家咪講咗」，不一定要將感言放在官方紀錄，「我情願要你哋(電台)啲紀錄喇。」被問到遭外界形容是「建制派壞孩子」，田回應「壞孩子呢個字，其實同過去呢4年係完全風馬牛不相及，過去呢4年仲點做壞孩子呀？」，他又指國安法實施後，「大家都知道條線喺邊」。
談舊黨友葉劉淑儀：我對得住佢有餘
現屆議會有12名70歲或以上的立法會議員，包括田北辰在內的10人已經宣布棄選，現時只剩下新民黨主席葉劉淑儀和副主席黎棟國還未公布去留。被問到葉劉去留，田北辰回應指，「我覺得自己對得住佢有餘。林鄭(月娥)嚟問我拎(2017年行政長官選舉)提名，我都畀咗佢(葉劉)，得失咗林鄭，都算係咁啦」，又指如當時不是跟葉劉淑儀同黨，他當年會將提名給予林鄭月娥。同年田北辰宣布退出新民黨，成立實政圓桌。
