彩龍皇宮大酒樓將於15日結業，引起網民熱議。(Facebook@Choi Wan Estate彩雲邨 )
近年多間酒樓先後結業，近日有網民在社交媒體上分享，位於牛池灣彩雲商場的彩龍皇宮大酒樓將於本周三(15日)結業，引起網民熱議。有網民指該酒樓開業超過40年，直言，「可以捱到今時今日，算是光榮結業了」；亦有網民表示，「第5定第6次（結業）咯喎」、「請問真係執嗎？」、「又執？呢幾十年來，第幾次？」《am730》記者已向酒樓查詢，正等待回覆。
不少網民不滿酒樓的衛生及食物質素，直言「啲碗碟油淋淋，枱布有漬又有陣味，啲食物更加難食」、「垃圾中垃圾」、「快啲執啦，宜家啲嘢食又污糟又難食，服務態度仲要X」，部分網民則對結業後的舖位提出建議，指「呢個位執左可以開幾間細餐廳，多d選擇」、「執咗開老人院好過」、「開個超大網吧，俾窮遊過夜啦」。
李龍基曾舉行音樂晚宴
有網民指該酒樓早年更是明星食堂，「好多TVB藝員及工作人員係酒樓午膳，見過李香琴、米雪、曾華倩、苗僑偉、黃日華」、「呢間以前好多tvb嘅藝員喺度食飯，有好多時候仲會見到佢哋著住古裝落嚟」。該酒樓不時邀請歌手及藝人到場舉辦「經典懷舊金曲夜」等，邀請如麥德羅、鄧英敏等，就連李龍基亦曾在該處舉行音樂晚宴。
ADVERTISEMENT
