有巴士乘客乘搭九巴219X線時，遇到一名男車長下車舉起雨傘，為上下車乘客遮風擋雨。facebook群組「香港交通及突發事故報料區」
本港近日天氣惡劣，有巴士乘客分享影片，指乘搭九巴219X線時，遇到一名男車長下車舉起雨傘，為上下車乘客遮風擋雨。有網民留言讚揚，「第一次見咁好服務嘅巴士車長」，不過亦有網民認為「做多咗」，「原本30分鐘嘅車程咁樣玩玩到1粒鐘」。
有網民上周五(13日)於facebook群組「香港交通及突發事故報料區」轉載兩段短片，見到該名九巴男車長埋站時，下車站在車頭車門位置，舉起雨傘幫上車乘客遮風擋雨，並向拍片者說「請等一陣」，拍片者回應「好，唔該」。待乘客上車後，車長上車回到駕駛座坐下。另一段短片拍到多名乘客下車，車長站在車頭位置「擔遮」。根據短片拍攝到的路線號碼和站名「啟福道」，相信該巴士是來往麗港城及尖沙咀（循環線）的219X巴士。
宥網民留言大讚司機，「第一次見咁好服務嘅巴士車長」、「真係要讚揚一下」、「祝福這一位司機哥哥」、「司機哥仔好好人，好人生活，一生平安」、「唔好成日話啲司機態度差，只係你冇遇見一個好嘅！」。亦有網民問「司機每1個站都起身？」。
不過亦有網民不滿做法，「雖然係好事嚟，但係做多咗」、「做多咗啦！咁做拖慢咗成個車程，反而影響車上的乘客」、「原本30分鐘嘅車程咁樣玩玩到1粒鐘」、「做壞晒，陣間X街公司強制要司機咁做就多X謝佢」。
網民回應反對者「做好事都鬧，呢度咪香港」
有其他網民對此回應，「香港人真係幾癲，人地打份工其實可以唔做，做咗又俾你哋話做壞規矩，你哋想點啊？」、「做好事都鬧，呢度咪香港」、「香港人，可唔可以多一點欣賞，少一點批判？」、「日本司機就大讚，香港司機就鬧爆」。
