有網民發帖文表示，一名中年女子在天星小輪「偷電」煲電話粥，竟直接「拉線」，把差電線連接小輪船頂的插蘇(_ctlreagan_＠Threads)
社交平台有網民發帖文表示，昨日（13日）有一名中年女子在天星小輪「偷電」煲電話粥，竟直接「拉線」，把差電線連接小輪船頂的插蘇，樓主表示自己及同船人目擊事件均未有當場阻止，最終他通知水手作出處理。
該名男網民昨日（13日）在社交平台Threads發片發文指，晚上約9時08分，由灣仔前往尖沙咀的天星小輪上，一名紅衫大媽竟利用小輪上的插蘇為手提電話叉電，並站在插蘇下方通道，旁若無人地邊叉電邊煲電話粥，白色叉電線「吊吊揈」非常顯眼。
樓主通知水手阻止
影片可見，小輪上的插蘇設在船天花板頂部，比大媽高半個身位，伸手未必觸碰到，樓主表示：「埋岸前個大媽叫個男人幫佢將個插蘇插上上面。」他未有即時阻止或舉報：「我淆底冇出聲啦，同船都冇人出聲。」樓主最後在落船時有向小輪上水手舉報：「最尾落船我同咗個水手講，個大媽等人落晒船咁滯仲差緊電，最尾好似個水手有stop佢。」
本月初，一名女子在銅鑼灣時代廣場用商場插蘇即場煮西米露，被保安勸止，樓主表示昨日一幕「有Times Square煲粥feel」，及後更正「原來時代廣場係煲西米露」。
不少網民批評大媽偷電的行為「好肉酸」、「無法無天」，「真係好癲」、「偷電，拉得」，「可以帶插蘇出街但唔帶尿袋, 其實究竟咩玩法？」、「無恥便是無敵」、「冇處不插電」。
▼▼時代廣場大媽疑偷電煲西米露 保安勸阻拒停仲大聲回應▼▼
ADVERTISEMENT
20周年「全城撐本地消費3重大激賞」！ 即睇活動詳情！
