路訊通營運多年後，最終在2017年停播。(資料圖片)
智能手提電話未興起前，市民娛樂選擇有限，巴士車廂的電視就扮演了重要的娛樂與資訊角色。最近有網民在社交平台重提這項已消失的設備，並指出多項缺點，包括開喇叭又會很嘈吵，靜音又沒有人理會，若窗外陽光稍為猛烈又會看不清屏幕內容，而當時很多乘客不是睡覺便是聽歌、看風景，「究竟佢嘅存在意義係做乜嘢嘅呢？講真一啲資訊我都吸收唔到！」
早期每次更新涉逾3000隻VCD
過去本港先後出現數間營運巴士電視的公司，包括RoadShow路訊通、新資訊和buzplay等。帖文引來到多年前路訊通的第一代主持人何基佑分享，解釋早年電視是透過影音光碟(VCD)播放，每次有內容更新都要燒錄超過3,000隻VCD，另礙於容量有限每次最多只有45分鐘的內容，當中部分廣告亦會重複播放，因此乘搭長途車的乘客或會多次觀看同一內容。及後巴士電視陸續轉用USB，相對就更環保及可收錄更多內容。
不少網民都對巴士電視很有共鳴，「曾經有一段時候有資訊的確可以當電視看，但慢慢就變成全廣告」、「唔覺煩，當年未有智能手機，算係坐巴士既一種解悶娛樂」、「以前無電話，上車睇下無咁悶，不過就唔係人人鐘意」、「你睇緊嘅係…你睇緊嘅係…你睇緊嘅係…你睇緊嘅係…你睇緊嘅係…Roadshow」、「當時Twins既(嘅)歌紅得咁快，roadshow 功勞都唔少！」
有網民認為太嘈難補眠
有留言就覺得千禧年前後，在巴士播放收音機是最好的選擇，「以前每朝上巴士都聽到林海峰，但唔記得乜嘢節目」、「後期同商台無約後，有聽過播港台」，但亦有人不同意，「只係比Roadshow好，電台都唔係個個想聽，當時新聞就有訪問乘客，比人話嘈住瞓覺」、「尤其朝早返工坐長途車，正好喺巴士上瞓下，但比佢嘈到瞓唔到」、「搭N車播電台鬼故，個冷氣又鬼死咁凍，陰風陣陣。」
