2025-10-05 15:08:48

網上熱話｜攝影師做一日遊客搭開篷巴士遊港島　被山道天橋美景驚嘆

有網民做一日遊客搭開篷巴士遊香港，欣賞沿途風景。(Threads用戶tu.analogue影片截圖)

開篷巴士市場近年在本港發展蓬勃，除遊客外亦吸引不少香港人乘搭。有網民日前由赤柱搭開篷巴士往中環，期間被山道天橋的獨特美景所吸引，「特別鍾意喺山道天橋上被好多高樓圍住嘅一段路，我諗世上唔係好多地方擁有呢種風景」，又謂做一日遊客遊覽香港其實都很開心。

▼攝影師分享開篷巴士沿途景色▼

網民：香港人也不知這美麗視角

正值十一國慶黃金周，本港多條開篷巴士路線近日都大排長龍。菲林攝影師阿冬早前乘搭由赤柱開往中環碼頭的城巴H4線開篷巴士，其後在社交平台分享途中所攝美景，包括行駛山道天橋、城西道和香港仔隧道一段，又指今次是他首次在港搭開篷巴士。有網民坦言，作為香港人也不知道西區有如此美景，「原來這個視角這麼美麗，香港人也不知道」、「睇到我都想即刻去搭返轉，小朋友應該好開心」、「第一次搭車經過呢條路嘅時候都被佢驚艷到」、「老老實實，過哂樓左邊果(嗰)段黃昏真係好正。」也有人表示，平日放工時間乘搭普通巴士欣賞到美麗日落，都是一種賞心樂事。

不少網民認同山道天橋是一種特別體驗，「我當年第一次坐普通巴士經呢條天橋都大high，相信坐開蓬的個感覺會更正」、「山道天橋又真係好有特色」、「超喜歡這條路線，從赤柱到中環，既能感受香港山海交錯的景致，又能在橋上欣賞日落」、「好似喺高樓大廈之間玩過山車，成件事好香港好有feel。」

▼網民留言回應逐格睇▼

不少網民同稱拍得像過山車

多則留言都不約而同問到發帖者「點解你可以拍到好似過山車咁嘅」、「影到過山車咁」，他直接回應稱「因為佢真係有啲似過山車」。帖文吸引超過74萬次瀏覽、逾2萬個讚好，很多人都留言問這條線如何乘搭，發帖者最後提醒，這條開篷巴士路線毋須報名，只需要直接排隊登車，「我當日好似係坐1800開出嘅尾班車，但依家日落時間愈黎愈早，可能搭早一班都ok」、「佢中間有幾個站，總站上就方便霸位。」