網上熱話｜油麻地4人家庭請外傭 「ugly」竟列條件 網民：信唔過老公?

香港不少家庭需請外傭幫助，有網民近日張貼一張來自社交平台有關香港家庭請外傭的招聘截圖，驚見有住戶列明要「ugly helper」，引發熱議，有網民猜測招聘者是女士，「信唔過老公?」

該網民在連登討論區以「有香港人請外傭，要求係樣衰」為題，張貼一張疑來自社交平台有關香港家庭請外傭的招聘截圖，可見其中一戶來自油麻地的4人家庭正急聘外傭，列明家中有900呎，住有兩名成人、8歲大女及3歲細仔，外傭有自己的房間，星期日享有假期，月薪5,500港元，惟額外條件是「This one need ugly helper.」

不少網民議論紛紛，有人直言招聘者是女士，「驚老公搞外傭」、「信唔過老公?」、「睇嚟老公個底好花」、「我覺得做到依步，可能係男戶主之前已經有前科」、「防得外傭，你防到街外人咩?」。

亦有人表示「不嬲阿MOM(女戶主)都唔會請個靚架啦」、「樣靚唔靚其實好主觀」、「治標不治本」、「唔好講笑，同個女傭日對夜對(出事)，成日法庭新聞都見到」、「知道自己比人請咗嗰下都幾唔開心」，更有網民留言聲稱「識人請19歲菲傭，最後老婆幾個月就轉人」，另有網民分享以前有男同事教他請工人要請「上年紀、短頭髮」。