淘寶買40件百潔布變400件，樓主問中秋節能否轉送百潔布(Threads圖片)
淘寶購物提供了很多方便，最近有一名港爸在淘寶大手購入40件百潔布，怎料送達時「多咗一個零」，變成400件百潔布，令家人不禁問「年年中秋送月餅，今年轉送百潔布有冇得諗？」
一名網民在社交平台Threads分享這則趣事，「見到老竇拖住大半個人咁高箱嘢返嚟心知不妙，佢堅稱唔關自己事，me: 全屋得你用淘寶，唔通關我事？一打開崩潰咗，一大片黃色幾護眼，數過足足有400舊(10乘40條)」。根據網民上載的淘寶購物紀錄，的確只是購入了兩條20個裝的百潔布，付款了17.19元。「樓主」指知道不是爸爸的問題，但也很想知道他為甚麼買40件，「但點都好，呢一刻屋企有400舊」。
淘寶商店送錯數量及款式
另外，淘寶商店除了送錯數量，其實還送錯了款式。他們是訂了腰果型百潔布，但只是送了普通方形款。「樓主」力勸父親勿向商店反映，「一陣人哋又送多箱嚟點算」。
「樓主」立即向朋友求救散貨，但被更改了暱稱為「百潔布富翁」，被恥笑「每日即棄都用超過一年」，「可以刻兩副麻雀開兩檯」，「仲可以拎落樓做埋關愛隊嗰份」，「勁似泰國椰汁糕」，「送畀鄰居打好關係」。
ADVERTISEMENT
立即更新/下載AM730手機APP 體驗升級功能
