深水埗白田邨近日疑出現水質問題。日前，有多個地區群組都瘋傳「公屋污水」貼文，並上載多張圖片。當中有稱居於白田邨詠田樓有街坊指，在廚房安裝過濾器濾芯，僅使用一個半月，已由白色變成全黑。該街坊又以新舊過濾器濾芯作對比，顯示本來全白色的長筒形濾芯，使用過後變成深黑，令他大嘆「白田邨詠田樓啲水真係好污糟」。
房署：未接獲報告
相關貼文嚇壞一眾網民，有網民指，「我呢邊屋企一年唔換芯，都唔會咁黑」、「嚇死人好恐怖」、「唔過濾咁咪飲晒落肚？」、「會唔會有食安問題？」另有同居於公屋的網民亦指，「唔只白田，好多地方都發現係咁」、「粉嶺一樣，雙重過濾都要半個月換一次濾芯」。不過，有網民猜測未必水質有問題，「有機會係喉管問題，報返上房署穩陣啲」、「可能大廈無洗水缸。」
事後，房屋署回覆傳媒查詢時則表示，白田邨詠田樓於2021年8月起入伙，自入伙至今，屋邨辦事處未有接獲詠田樓住戶，有關食水水質查詢或報告。而辦事處一直定期安排每3個月清洗食水缸一次。根據紀錄，詠田樓食水缸剛於3月完成清洗，辦事處會密切留意情況，如有需要會適時跟進。
