港女意外跌近萬元手機，元朗停車場職員執到代充電拒收酬勞。(Facebook「盡在元朗《元朗區交通》群組」圖片)
路不拾遺人人讚。一名大頭蝦港女在上周四(15日)於Facebook「盡在元朗《元朗區交通》群組」發文，指回家後始發覺遺失了最新推出，價值近萬元的智能電話。情急之下，她立即致電個人電話號碼，獲元朗一個停車場職員接聽。此時，她才憶起較早前於停車場泊車付款時，不慎遺下了手機，幸得該停車場職員發現並代為保管，她又感激指：「仲幫我keep住充電等緊我電話，周圍搵緊我，等緊我返去攞」。
網民：老闆要加佢人工啦
港女得知手機下落後，終放下心頭大石，並趕忙返回停車場取回，又指「真係好開心，無唔見晒啲相」。她又特意準備了少量酬勞，打算給停車場職員，以示謝意，惟遭對方拒絕，「我話畀返錢請飲茶，佢仲話唔要，話路不拾遺係基本嘢。」最終，她改為送贈生果，答謝對方。
貼文一出，網民紛紛稱讚停車場職員路不拾遺的舉動，並指「老闆要加佢人工啦」、「好人好事」、「職員姐姐好誠實同有責任感」、「好人會有好報」；亦有當區街坊指「呢個停車場我成日泊，姐姐一向好好人」、「我試過唔識路問佢點行，佢好熱心同我講」。
