網上熱話｜狗狗馬路旁逆向狂奔　目擊者疑走甩警犬狂呼「旺財唔好走」

一隻瘦弱的狗狗在馬路旁邊逆線方向狂奔，市民質疑警方「走甩警犬」

今日（20日）網上流傳一段車Cam影片，從影片中可見，一輛警車停泊於公路中，而一隻瘦弱的狗狗向警車的反方向奔跑，有警員站在路面上查看。其間一輛白色小巴司機開門向狗狗招手，試圖將牠叫回，但狗狗沒有停下，繼續沿車龍逆方向跑走。

片主質疑該隻狗是警犬

由於有警車停在前迫，片主質疑該隻狗是警犬，其間亦不斷夾雜粗口大叫，稱「走甩咗隻警犬呀，差人你唔識去捉佢呀！你（警員）大鑊啦，唔去捉佢！」。

片主又稱該隻狗為「旺財」並高呼「旺財，旺財返嚟呀！你爸爸（警車）喺前面呀！佢燉冬菇呀，旺財你唔好走呀！哎呀，越走越遠喇旺財！」，影片至此結束。

網民：阿崩叫狗 越叫越走

影片引來大批網民觀看，笑指旁白生動，又指狗狗「奔向自由的路上」、「阿崩叫狗 越叫越走」，亦有網民表示，該狗不是警犬，「警犬係坐Hiace貨Van入面有鐵籠個隻，並列明PDU部門」。