葉劉淑儀送上聖誕「福利圖」，鼓勵留港歡度佳節的朋友出外慶祝
聖誕節嚟到，唔少人都問今年新民黨主席葉劉淑儀有冇「福利圖」㗎！當然有啦，葉劉喺今日平安夜已經向大家送上祝福，唔只有靚相，仲拍埋雪景主題短片，搞搞新意思呀。
鼓勵留港歡度佳節的朋友出外慶祝
葉劉介紹今年拍攝以雪景做其中一個主題，配合香港濃厚嘅冬日聖誕氣氛。見到佢著住碎花短裙，打開雙手迎接冬雪，喺片中最後就攞住份禮物，祝大家聖誕同新年快樂。葉劉留意到街頭洋溢濃厚嘅聖誕氣氛，無論係維港兩岸、各區燈飾或者其他聖誕好去處，都吸引大批市民同遊客。今日平安夜，各項公共交通工具都會加強服務，佢鼓勵留港歡度佳節嘅朋友不妨出街慶祝，同至愛親朋共度一個愉快難忘嘅平安夜。
