葉劉「打扮一番」與小熊貓合照報喜 左手拆石膏活動自如 ｜Ray Online (@fb Regina Ip 葉劉淑儀)
新民黨主席葉劉淑儀上星期係立法會以左手「打石膏」示人，令大家非常擔心，而「姐姐」亦有解釋自己其實係喺半山寶雲徑散步滑倒，照X光後發現左腕輕微骨裂雖慶幸未有移位，但仍需打石膏治療。而事隔一周，葉劉今日(30日)就係FaceBook發文話，自己日前到港怡醫院覆診，很高興主診醫生告知傷勢康復比預期快，左腕可以拆除石膏不用再包紮了。
左手活動自如 輕鬆「擺甫士」
葉劉仲話，拆除石膏後，「今天我特地打扮一番，到立法會地下大堂與三隻展覽為期一個月、非常可愛的小熊貓擺設合照」，大家可見我的左手已經活動自如，輕鬆「擺甫士」；佢亦再次感謝各方好友送上海量慰問及關懷、以及醫護們悉心照料。
兩至三星期唔好攞重物
不過，葉劉提到，醫生建議未來兩至三星期左手唔好攞重物，因此日常生活依然側重使用右手，但相比早前包紮石膏的日子，依家已經方便得多；相信短期內左腕會完全康復，如常出席活動及更投入工作。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
