車Cam直擊｜機場的士擬無拉手掣釀三車串燒 司機慘變人肉三文治

機場的士站發生嚇人意外，網上流傳一段車Cam影片，顯示有的士疑未有妥善煞車，令的士突然溜前，撞及停泊在站內的另外兩輛的士，其中一名站在車尾的士司機，更被溜前的士攔腰猛撞，慘變「人肉三文治」，幸獲途人及機場職員協助救出。

車Cam片段顯示，事發時一名的士司機正替兩名男女乘客，將行李放入車尾箱，詎料身後的士突然溜前，將他夾在兩車中間，撞擊下亦令車尾冚塌下打落他的頭部。在場人士見狀連忙協助，其中女乘客拉高尾冚，男途人則嘗試推開後上的士，最後指示司機倒車，才令傷者脫困。

網民：乘客避過一劫好好彩

網民對事件議論紛紛，其中在的士司機身旁乘客避過一劫，紛紛表示非常好彩：「斜咩袋男人咁啱行返出嚟避過一劫」、「其實前面幫手救人嗰啲都危危地，真心驚佢再來一個回馬槍，後入梅開二度」、「前車腳痛，中車頸痛，尾車荷包痛」。