迎接團年的卡通湯圓

柏朗：爸B，咩人要發明食團年飯？我哋晚晚都係食團年飯，使乜年卅晚至食咁麻煩。

爸B：到你哋大個咗，有好多朋友仔有好多嘢忙又要陪男朋友女朋友嘅時候，就會明白發明食團年飯嗰個人的重要。

柏濤：我大個咗之後，都會帶埋朋友仔返嚟同大家食飯，因為我要俾朋友仔食爸B教我哋煮嘅好好味餸菜。

昕蕎：我大個之後都要帶男朋友返嚟同爸Ｂ媽咪柏濤柏朗一齊食飯。因為都係我最錫嘅人。

爸B :但你嘅男朋友，一定唔會係爸Ｂ最錫㗎囉............