鄧炳強買咖啡獲市民撐23條　鄧炳強：見到心裡一暖｜Ray Online

《基本法》23條立法諮詢會日前展開，亦受到政府嘅強烈重視，呢壇嘢主責嘅保安局局長兼「應變反駁隊」大隊長鄧炳強自然忙到震。

而今日局長就分享一個暖心故事，佢話自己「忙裡偷閒」，抽空去買杯咖啡提神，點知買完就發現紙杯寫上「鄧SIR，23加油！」

鄧炳強：見到心裡一暖！

局長就直言，「見到心裡一暖」，佢仲話為維護國家安全而努力，再忙都值得。得到市民嘅支持，再辛苦都無悔！

局長個POST亦吸引咗好多人留言支持，包括民建聯立法會議員梁熙，梁熙就話，「市民呢句加油，比起杯咖啡更加醒腦提神」。

仲有好多市民留下暖心字句，「鄧Sir有料到堅貼地，祝福今年成功立法港區23條，維護國家安全」、「鄧局長，重溫你昨日跟啲所謂嘅記者對話」、「強哥還是那個敢言敢懟敢剛的那個強哥，撐你，辛苦了」。

唔單止咁呀，喺局長PO出嚟嗰張相度，仲見到個小彩蛋，原來局長係用華為手機，認真愛國！