千海水產荃灣店首推任食南非鮑魚 新推即撈瀨尿蝦+海角螺+貴妃蚌
千海水產2月份有新搞作！荃灣店晚市放題率先首推任食南非鮑魚，同期又新推任食瀨尿蝦、海角螺、貴妃蚌，新增多款新鮮海鮮吸引客人。
南非鮑魚即點即蒸
千海水產不時有新綽頭吸客，平時客人可以任撈大連鮑魚，今次加碼挑選較高級的南非鮑魚，在荃灣店先行首推任食新鮮南非鮑魚，不過沒有放到大魚缸任客人撈，而是由客人QR code落單，廚師即刻加果皮蒸製，保持鮮味彈牙。果皮蒸南非鮑魚暫時只限晚市放題，午市放題不設供應。緊接下星期九龍灣店將會推出，不過旺角分店暫時沒有。
晚市海鮮最齊款
與此同時，各分店海鮮除了新增九肚魚之外，大魚缸更加推即撈瀨尿蝦、海角螺、貴妃蚌。以上海鮮也暫時晚市供應。
千海水產早幾個月前加價十蚊雞，現在四小時午市放題成人最平$308，兩小時晚市放題最平$318
