圖片來源：Threads、TVB《愛回家之開心速遞》劇照
近期經常下雨，怕麻煩帶雨傘的人寧願叫外賣醫肚。有網民早前在紅雨期間外賣焗豬扒飯時，就被其醬汁顏色嚇親，最後不但要將成個飯盒掉落垃圾桶，更引來大批網民競猜恐怖色水的源頭！
有網民早前在紅雨期間外賣焗豬扒飯，被醬汁的鮮紅顏色嚇怕。（圖片來源：Threads）
外賣焗豬扒飯 色水極驚嚇
近日幾乎每日都下大雨，黃雨紅雨警告信號頻頻高掛，令一眾市民做咩都無心機。早前，一位港女就在Threads分享自己於紅雨期間買外賣的經歷，揚言本想買盒焗豬扒飯醫肚，豈料打開驚見嚇人鮮紅醬汁，令她不禁崩潰問「因為紅雨，所以我個焗豬扒飯都要變紅色嗎？」
事主唔敢食：請咗垃圾桶食
從事主上傳的照片中，可見其焗豬扒飯的確與平常的有所不同，醬汁呈鮮紅色，撈飯後更令每一粒飯沾上輕微螢光的亮紅色。眼見焗豬扒飯的色水如此突出，難怪事主坦言沒膽量食落肚，最後「請咗垃圾桶食」。
圖片來源：TVB《愛回家之開心速遞》劇照
全民競猜色水源頭
焗豬扒飯的驚嚇色水引起網民熱烈討論，紛紛競猜這種色水的背後源頭。有人表示廚房應該唔覺意成罐茄汁倒咗落去；「血應該深色啲，佢似叉燒齋嗰種紅」；亦有人懷疑「好似啲劣質色素」、「原來番茄係血色」、「頭先冇睇清楚，以為係韓國泡菜」，難怪不少網民都直言「刷新咗我對焗豬飯嘅認知」。
ADVERTISEMENT
【👇送家電．家居．博覽入場券👇】
