世界心臟日2020 Run For Heart開跑

由香港心臟專科學院主辦的「世界心臟日2020健心跑Run For Heart」又開跑啦！「阿讚貓」今次動員多位家族成員再度登場化身啦啦隊為各位跑手打打氣，陪大家繼續為「心」而跑、用「心」去跑，一同跑出強健心臟！去年活動首度舉行，吸引了逾兩千名跑手傾力參與，反應熱烈，火速爆滿，未能成功參加的朋友們，今年記得要及早報名，2月24日或之前報名早鳥優惠價只需$250 (個人賽事) 及$450 (親子賽事)，就可以得到全套別注版跑手裝備，包括型爆T恤及精美實用嘅5L防水袋，跑完仲有阿讚貓家族完成牌，快啲報名帶晒佢地返屋企啦！同場的親子嘉年華提供大型充氣遊戲、攤位遊戲、「阿讚貓」得意合照位、急救教室等，讓大家可以一邊為家人打氣，一邊玩樂，一邊了解心臟健康的資訊，一齊來度過健康愉快的一天。