港女一人食M記被催快啲走 大媽惡霸家庭10字迫讓座網民嬲爆
部分餐廳在繁忙時間都會比較多人，不時都會出現等位、搭枱等情況。早前，一位港女在社交平台分享近日獨食M記的不快經歷，指當日食完個包、仲飲緊嘢的她，竟然被一旁的大媽出言強迫讓位，令她無奈又不安之餘，亦引來大批網民嬲爆留言。
圖片來源：ViuTV《IT狗》劇照
港女獨食M記遇不忿經歷
這位港女在社交平台發文，指自己近日獨食M記時，本與陌生人搭枱、一同在4人枱進食，「後尾對面嘅人走咗，得返我一個人坐」，自己繼續留在原位「食完個包，飲緊嘢」，沒料到即時被「一家4口」的大媽視為目標，上前迫其讓位！
圖片來源：Threads
大媽10字迫讓位
事主指自己當時依然飲緊嘢，大媽突然上前用普通話問她「吃完了嗎？我們要坐，快點」，大條道理的語氣和用字令事主震驚表示「（佢）唔係要搭枱，係叫我讓位」。在她「呆咗幾秒仲諗緊點俾反應」時，幸好「有另一個香港人即刻勁醒咁過嚟」、「問我可唔可以搭枱」、「我即刻話ok」，才成功擊退大媽4人。
圖片來源：ViuTV《季前賽》劇照
網民嬲爆留言
帖文中可見事主雖然不忿，但當刻就未有即時想到解決方法，事後發文感激當時出手相助的香港人。大批網民亦留言回應，有網民直斥這種強迫讓座的行為「真係極討厭」，又有人指同樣試過被「指令」坐去其他位，將原來的位置讓給大媽們。
ADVERTISEMENT
激送AIA Carnival友邦嘉年華門票連代幣！
