有蟲出沒請慎入！日本熊本出現一台「世界首部昆蟲零食自動販賣機」，機身寫上「Can you eat」，販賣昆蟲當零食包，內有蟋蟀、蚱蜢、龍蝨、毛蟲等各種昆蟲零食商品。
包裝上都印有蟲蟲照片，如果唔想一嚟就咁「重口味」，可以試試呢隻「蟋蟀蛋白質棒」，分朱古力味同綠茶味，睇落比較「易入口」。
呢部昆蟲自動販賣機迅速於網上爆紅，掀起熱潮，每包昆蟲零食售價落約600至1900日元(約43至138港元)。價錢唔算平，但每日都賣到至少過百包，日媒報道時，仲啱啱遇到有人專誠由名古屋過嚟買，不過佢話：「我唔會食啦，係要攞返公司當懲罰道具。」
擺放呢部自動販賣機嘅氣球商店放老闆友田敏之表示，未來地球可能還會再次進入冰河期，昆蟲有豐富蛋白質好有營養，可以當食物，希望令人類習慣食用昆蟲咁話！
ADVERTISEMENT
激送Monchhichi維港海陸嘉年華入場券！
