幾蚊雞嘆「韓牛」 馬場洞超實惠韓牛包

去日本要食和牛，去韓國就一定要食韓牛！

而馬場洞就出名食韓牛抵抵抵，最近就出現埋「韓牛甜品」，最近喺韓網上話題十足，非常有人氣嘅「韓牛包」(한우빵)，聽個名以係係將韓牛做餡嘅包，其實係馬場洞咖啡店「하울카페」推出嘅現烤麵包，外型同口感都類似日本鯛魚燒，分別有朱古力、紅豆核桃、紅豆忌廉芝士、藍莓忌廉芝士同香腸5種口味。麵包內加有韓牛骨粉，仲以韓牛外形做模，麵包上仲劃出韓牛各部位，售800至1200韓元(約5.6至8.4港元)，非常經濟實惠，食唔起韓牛，買個望梅止渴都好。