女子孭滑板坐港鐵 滾輪恐誤掂他人 目擊者：真係好唔衞生
公共交通工具上發生的衝突屢見不鮮，有時搭車時真的要留意自己言行，擔心會唔會不小心影響他人而被網絡公審。早前一位網民在社交平台嬲爆發文，只因近日他搭港鐵時，就遇上一個孭著滑板的女生，由於滾輪恐誤掂他人而令他十分擔憂，引來網民熱烈討論。
圖片來源：TVB《下流上車族》劇照
女子孭滑板坐港鐵 被偷拍公審
早前，一位網民在社交平台嬲爆發文，指在乘搭港鐵時，遇到一個女生孭著滑板上車，令他不禁表示「大家都知道香港地鐵空間有幾少」，狠批女生不但帶著滑板搭車，更妄顧車廂其他乘客的衛生情況。
圖片來源：Facebook@西環變幻時
滾輪恐誤掂他人 目擊者：真係好唔衞生
從他上傳的照片中，可見女生用滑板專用的袋子裝好滑板，並當作背包般孭在身後，著地的4個滾輪就未有包好，直接對著其他乘客。發文者對此感到不滿，「雖然你冇刻意將個滑板碌塞去旁邊人身上，但好難免完全掂唔到」、「上面嗰排碌剛剛就會對住某種高度嘅人口鼻，啲滑板碌真係好唔衞生，非常妨礙其他人」。
圖片來源：TVB《下流上車族》劇照
網民反應兩極
發文者更在文末直接呼籲「希望玩滑板嘅人自己注意下，尊重下別人」，而他的言行和照片亦引起大批網民熱烈討論。有網民認同指「唔好話滑板，而家啲人上落車都唔會講：唔該借借，一味企係到望住你，好似你要好識做見佢黎就讓路，企係你後面鬼一樣」、「買個套好難咩？同埋就算係鬼仔玩滑板都唔會孭住咁高整到人囉」，亦有網民覺得發文者反應過大，「你唔直接同佢講，依家講有咩用」、「我會攬住自己塊板或者棟喺地下貼住對腳，係人都知孭住會整到人啦」。
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
