影帝大熱！ Brooks Brothers搵古天樂做形象大使

星期日就係《第37屆香港電影金像獎》頒獎典禮，古天樂今屆憑《殺破狼．貪狼》入圍最佳男主角，更加係賽前大熱。剛剛踏入200周年嘅美國服裝品牌Brooks Brothers，最近亦搵嚟古仔正式加盟，擔任中國內地及香港地區男裝品牌形象大使，演繹多套服飾，見古仔官仔骨骨，甚有紳士風範，古仔更話：「Classic唔應該有時間限制，無論係100年或200年都好，透過唔同穿搭，都可以突顯自己個性。」唔知古仔當日又會以邊個造型示人呢？ 文：Abby