德國寶重磅回歸今年工展會，早前率先公布2022年新品，囊括多款煮食電器、生活小電、嵌入式廚房電器以及傢俬、家品。今日再次加碼曝光更多新品！必買推介就有重慶火鍋最佳拍檔，天氣凍冰冰，食住暖笠笠麻辣火鍋簡直一流！
有辣有唔辣 任君選擇
重慶火鍋禮盒包
德國寶全新重慶火鍋禮盒包，採用聞名四海的正宗重慶歷史祖傳秘方，嚴選源自重慶的辣椒、花椒、豆瓣等十多款香料經高溫熬製而成，麻、辣、鮮、香俱全，以麻引辣，做到「麻不傷胃，辣而不燥」，層次感豐富，越食越過癮！至適合一家大細圍爐擦餐勁！
一盒有齊麻辣火鍋湯包（麻辣）、雜菌上湯火鍋包（唔辣）、香油及花椒油，另附10”不銹鋼火鍋夾、可開合式火鍋篩、《有辣有唔辣》食譜書，無論炮製麻辣火鍋或雜菌上湯火鍋，甚至毛血旺、四川棒棒雞、螞蟻上樹等各種正宗重慶地道美食，一樣冇得彈！
重慶火鍋最佳拍檔
座檯式電陶爐（GID-RS22T） + 陶瓷煲（CRP-020）
嘆德國寶重慶火鍋禮盒包，點少得配埋德國寶火鍋邊爐神器——座檯式電陶爐（GID-RS22T / GID-RS32T），機仔細細、火力大大，圓碌碌慳位機身設計方便收納，配備13A插頭一插即用，無論放在客廳食麻辣火鍋，抑或放在廚房煲湯炒餸都咁掂！而且任何鍋具全都適用，無論瓦煲、陶瓷鍋、砂鍋、玻璃鍋，甚至不銹鋼鍋具、易潔鍋具、合金鍋具、鑄鐵鍋具、鋁質鍋具通通冇問題，真正乜煲都用到！配備雙環加熱模式，可靈活調整使用雙環、單內環或單外環，最高火力可達2,200W，加熱超快，無論打邊爐、壽喜燒、羊腩煲定盆菜都冇得彈，淥兩淥就食得！
18合1萬用鍋（DFC-918）
集煎、炒、煮、炸、炆、燉、烚、慢煮、打邊爐等18個功能於一身的德國寶18合1萬用鍋，取代蒸籠、炸鍋、烤爐、焗爐、炒鍋、平底鍋、鋼煲等十多種廚房電器及用具，一個煲等於一個廚房！而且配備40至240°C特大溫度調校幅度及9小時59分超長預約定時，環球百變菜式一煲搞掂，一家大細食麻辣火鍋、打邊爐、食雞煲、部隊鍋都冇問題！
採用全新加大加深內鍋設計，機身纖巧而配備8公升超大容量，原隻大肥雞都擺得落，而煲湯更可分到約12至15碗，足夠全家分享有餘，甚至在家自私開Party都冇難度！除了辣得過癮的重慶麻辣火鍋之外，亦可以發掘不同的新食法，例如超惹味的日式壽喜燒、懶人必食的韓式部隊鍋、鮮甜清新的海南椰子雞煲、超開胃的泰式冬陰功鍋，甚至越南酸辣火鍋、新加坡叻沙鍋等！