「可口可樂」最近將香港日常潮流用語放於包裝上，推出一系列9款專屬香港人的限量版打氣系列包裝。今次合作的以色列平面設計師Noma Bar來頭不小，多年來曾經為「可口可樂」多個國家及地區版本操刀，創造富各地特色的包裝設計。限量版以代表顏色紅、黑、白為主調，呈現以香港文化及港式俚語為靈感的插畫，當中最經典是「唔使急，最緊要快」，突顯香港人無論工作或生活上也「多啲嚟 密啲手」的一面；亦有紅極一時的「係愛呀！」及「幫緊你 幫緊你」等，細心睇，Noma更將港式文化融入人物的衣著之中。設計分別印在高罐、迷你罐以及膠樽裝，合共17個款式，即日起有得賣，另外更推出WhatsApp及Signal貼圖，一套10款，隨時向身邊人打打氣！
文：Winki