深圳好去處｜羅湖4間高質點心推介 人均¥50起！足料蝦餃＋創意中菜
周末北上深圳，當然要把握機會食足三餐！今次為大家精選4間位於羅湖周邊的點心餐廳，價錢超抵食，雲集大部分香港人最愛的人氣點心，蝦餃燒賣叉燒包樣樣齊，人均¥50起就有交易，下文即睇介紹！
深圳羅湖點心推介｜儲香樓
在深圳都可以吃到廣州的傳統西關茶樓滋味！儲香樓裝修走復古懷舊路線，樓高兩層，充滿廣州特色。餐牌上的經典點心包括古法馬拉糕、醬汁鳳爪、鮮蝦燒賣皇等等，全都大份足料，水準不錯。另外亦有店舖獨家的創意點心，例如香芹魚籽沙津卷、海膽鮮蝦紅米腸、手臂粗大油條等等，心水推介藍蝶花椒帶子餡，帶有陣陣花椒麻香，香辣又惹味！
儲香樓
地址：深圳人民南路3009－7號（國貿大廈對面）
地鐵：老街站C出口
深圳羅湖點心推介｜蘩樓
位於羅湖萬象城附近的蘩樓，店舖主打手工製點心，每逢周末都擠滿香港旅客，店外總是人龍不斷。招牌點心包括XO醬炒蘿蔔糕、蟹仔鮮蝦蒸燒賣、叉燒流沙核桃包、綿香沙嗲金錢肚等等，每款單看菜式名字就已令人食指大動，非常吸引！
蘩樓
地址：深圳人民南路2002號佳寧娜廣場4樓
深圳羅湖點心推介｜廖發發
去深圳飲茶竟然仲有點心車？如果想用平民價錢飽嚐豐富點心，廖發發絕對是個好選擇。韭菜鮮蝦餃、特級叉燒包、鳳爪金醬蒸、干炒牛河等全部¥20內有交易，CP值極高！另外必食反沙三拼，內有芋頭、地瓜、紫薯，外層炸得酥脆，咬開口感綿密，值得一試！
廖發發
地址：樟坑社區164棟164－2號舖
深圳羅湖點心推介｜潮筵
潮筵主打潮汕手工點心及潮粵特色菜，點心由師傅手工即製，款式比普通餐廳更豐富。特色點心方面有潮筵鮮蝦抱抱餃、脆皮紫米鮮蝦腸、帶子芹菜鳳眼蝦餃，全都手工扎實有水準。另外亦可點經典潮州美食，如鹵味拼盤、澄海獅頭鵝、生腌蝦等，喜歡潮州菜的話必試！
潮筵
地址：京基鳳凰印象F201室
