網上熱話｜37歲翻譯碩士失業5個月 呻搵工搵到灰 網民反指學歷不代表一切
香港失業率有上升趨勢，大環境影響令很多行業都削減人手，要在經濟低迷的情況下搵工的確有難度。早前，一位自稱現年37歲的翻譯碩士就在網上發文，苦呻自己已失業5個月，揚言「搵工搵到灰」，引來大批網民留言熱烈討論。
圖片來源：SBS《藍色海洋的傳說》劇照
37歲翻譯碩士失業5個月
這位自稱37歲的翻譯碩士在網上發文，劈頭直指自己「搵工搵到灰」，全因「失業五個月」的他即使「不斷搵（工）」，但「一直得個in字」，更諷刺的是「早排收到offer，過兩日間公司打嚟話因為cut budget而唔請（更好笑嘅係同類事件19年都遇過一次），而家真係灰到不行」。
圖片來源：Threads
呻搵工搵到灰
事主自稱加入職場12年，有豐富工作經驗，包括「翻譯、copywriting、marketing、物業管理、飲食、零售、CS」等，但就衰在「冇份工做得長，最長嗰份年零，唔過probation嘅四五份」，現時只能「老吹自己一直freelance」。而他亦對自己的能力有所認知，直認「適應力低，multitasking差，中招之後記性都差埋」、「另一個認衰位係嫌辛苦，雖然中意煮嘢食，但飲食真係太辛苦」，更揚言「碩士呢個包袱都係太重」。
圖片來源：TBS《我要準時下班》劇照
網民反指學歷不代表一切
事主於文末坦言「要求唔高，都係搵入行門檻低嘅工」、「開fresh grad價」，但又多多要求般表示「而家興AI，所以唔想再寫字」、「冇專業資格，讀言語治療碩士要50個，而且讀完都四張，太遲啦」、「其他短course（例如ERB嗰啲）讀完出嚟人工又好低，呢個年紀同學歷要捱實在太難」。有網民就回應指「你咁好難㗎喎，一係就改變下自己先生存到」、「你未的起心肝搵到一個令自己上進嘅目標」，更有人直言「Master都唔代表乜」。
