印尼撈麵新食法！工人姐姐教整Indomie Pancake 網民讚飽腹感即時提升
相信不少人都有食過印尼撈麵，細細包夠晒惹味，耐無食的話會掛住其又香又帶有微微辣的味道，諗起都流口水！不過就略嫌一包太少，兩飽又太漏，當做一餐的話確實有點難控制分量。近日，有港女就在社交平台發文，指家人工人姐姐分享撈麵新食法，教整飽腹感即時提升的「Indomie Pancake」！
圖片來源：TVB《愛·回家之開心速遞》劇照
港女分享印尼撈麵新食法
近日有港女在社交平台發文，指自己在食印尼撈麵時決定搞搞新意思，不再就咁煮熟麵餅之後撈醬汁，而是先打入雞蛋，再加入醬汁和煮熟的麵條，撈混後鋪平放上煎pan煎熟，變成新穎的印尼撈麵Pancake。
Indomie Pancake即時提升飽腹感
發文者自豪地表示「屋企工人姐姐話印尼人都會咁煮」，更可以避免煮一個唔夠飽的情況「飽腹感+++」，又教路「建議可以加啲脆口嘢增加口感，例如係椰菜」，以及加入「ABC醬」令味道更豐富。
網民笑稱：係咪印尼燒？
印尼撈麵新食法引起網民關注，有網民就好奇如果唔落發文者推薦的「ABC醬」會點，發文者就回應指醬汁有「蒜香辣味」、「唔加就係一般indomie嘅味」，亦有人笑稱Indomie Pancake似足「糖醋麵」、「加埋椰菜係咪大阪燒啲fd」、「可以叫做印尼燒」。惟亦有人認為這個食法唔健康，「indomie升糖指數好高」、「食咗兩包升咗12個糖，仲高過燒味飯」、「少食為妙」。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
