網上熱話｜天水圍疑似新騙案？ 港女天水圍被鄉音女叫停「跌咗嘢」內情細思極恐
正所謂防人之心不可無，有時出街遇到不同人都需要打醒十二分精神，以免一個唔覺意發生意外。早前有港女在社交平台發文，指自己近日在天水圍遇上一件詭異事情，先被一位滿口鄉音的女子叫停堅稱她「跌咗嘢」，而執起時始揭驚人一幕，引起大批網民熱烈討論。
圖片來源：ViuTV《和解在後》劇照
港女天水圍被鄉音女叫停
這位港女在社交平台以「細思極恐，防人之心不可無」為題，分享了一則親身經歷的詭異故仔。她表示，事發當天「約咗朋友喺天水圍天瑞商場拎嘢」，事後經過天水圍天瑞商場中銀外面自動櫃員機，「突然聽到後面有跌嘢聲，跟住有個著白色衫戴白色口罩嘅中年女人，用唔係好正嘅廣東話講『靚女，你跌咗嘢呀！』」
圖片來源：Threads
執起白卡始揭詭異1物
當時事主見到「有幾張白色卡片散落一地」，正當她還在猶豫之際，鄉音女子就再表示「係你架，係你跌架」，令她不禁執起其中兩張卡片，「點知反轉一睇係兩張白色印住紅色福字嘅卡片」，而最細思極恐一幕就發生，「條女竟然突然話『係我架喎，點解咁奇怪我啲嘢會跌咗喺地下嘅，好奇怪喎好奇怪喎」。
圖片來源：TVB《金宵大廈》劇照
網民估與「搶福」有關
事主事後回想「背脊都有少少涼」、「越諗越驚」，有網民就回應指鄉音女的舉動疑似是「借運」、「搶福」手段，「搶福，婚禮時，新人入場一刻，有人着紅衫，衝出嚟打橫行，截咗一對新人喜氣福運。呢個情況類似。轉禍、轉病。將唔好嘅嘢，故意整落地，引人腳踩或手撿」、「妳掂過嘅福字，即妳嘅福運，被她拿走了」、「如果係冥婚妳就仲大鑊，所以下次唔好亂掂嘢啦」。
不過亦有人表示，「同妳講，佢用呢種手段搶人福氣係唔會搶得到，不過安全起見妳都係用碌柚葉水洗一洗身辟邪好啲」，提醒大家不是自己的東西不要亂撿。亦有人擔心是新式騙案，「唔好迷信啦，信則有、不信則無，妳反而應該提醒自己下次唔好手多多，一陣間遇着碰瓷黨，屈妳偷嘢，或者整爛佢啲嘢要賠錢，妳仲麻煩 」。事主事後亦崩潰回應指，已聽朋友建議，「買碌柚葉沖涼，希望無事喇」。
