網上熱話｜月入9萬唔夠養家 港男絕望欲敗走離港：完全係困局
香港地乜都貴，衣食住行幾乎年年加，但打工仔份人工就無得加，因此要在香港生活的確唔容易。不過，就算每月收入高但花費更高昂的話，可能又會變成另一種壓力。早前一位自稱月入9萬的港男在討論區上發文，指自己即使月入算高，但仍然唔夠錢養家，令他痛苦到想敗走離港，引起網民熱議。
圖片來源：電影《男人唔可以窮》劇照
港男月入9萬仍唔夠養家
這位港男以「月薪9萬，但喺香港養家真係搞唔X掂」為題發文，劈頭直指自己即使每月收入9萬元，理應算是高薪一族，但仍然未有足夠能力養起家中的「一女人、一細路、一工人」，又指已經未有養車，太太亦有做freelance幫補家計。
圖片來源：LIHKG討論區
圖片來源：TVB《超能老豆》劇照
列每月洗費 每月僅剩X元
月入9萬絕非細數，但在「供樓$26000」加上其他「生活雜費保險家用細路支出」，扣扣埋埋「每月剩返2皮野唔夠」，又苦呻「想生活環境改善dd，出去租個好少少既單位都無能力」、「普通一個近鐵好少少既3房都要＄25000以上」，而「你話可以搬去個無咁方便地方？又無能力買車… 車位都＞＄3000」。
圖片來源：TVB《超能老豆》劇照
欲敗走離港 網民唔撐
對經濟狀況及生活感到無力的發文者於文末坦言現時的生活「完全係困局」，更稱「真係諗緊要敗走」、「去個低成本地方住，有返d人類應有的尊嚴」。大批網民就此留言討論，有網民表示「如果你供30年，層樓成千萬喎，都唔差啦，仲出去租乜野樓呢？」、「搵幾多無用，你父母搵幾多先有用」、「就算而家搵到錢，一樣比父母拖後腿」，而發文者亦就此回應指「我老母上年咪借左大耳窿要我幫佢頂，我自己都搞唔掂，已經唔旨意佢地幫」。
ADVERTISEMENT
20周年「全城撐本地消費3重大激賞」！ 即睇活動詳情！
