網上熱話｜港女呻滴汗emoji極乞人憎 網民反應兩極 個人太mean VS 真係好kam
不少人用電子通訊軟件時，都習慣用emoji或貼圖等表情作輔助，盼能更好地表達自己的看法。不過，唔同人對唔同表情符號可能會有不同的理解，用錯的話好容易引起誤會。早前，有港女就發文指自己最憎人用滴汗emoji，引起大批網民兩極討論。
圖片來源：TVB《愛·回家之開心速遞》劇照
港女呻滴汗emoji極乞人憎
早前，一位港女在社交平台上發文，直指自己十分討厭滴汗emoji，更分享一張WhatsApp對話截圖，可見對方send了兩個滴汗emoji，而她就即時回應指「咪再send呢個emoji俾我」，更直言「究竟有冇人明呢啲滴汗emoji 有幾咁乞人憎」。
圖片來源：Threads
同意禁用派：同講粗口冇分別
發文者的睇法引起網民熱議，有網民認同滴汗emoji十分乞人憎，「呢個emoji乞人憎之處係意義不明」、「通常係想鬧人但唔好意思所以用呢個」、「呢個emoji我超怕，我會覺得對方好不屑咁，又自以為好有禮貌所以唔講」，更揚言使用時同講粗口冇分別。
照用唔理派：個人有幾mean先會連emoji都唔俾用
惟亦有部分網民認為發文者連用emoji都諸多規限，反斥「港女真係麻煩」、「個人有幾mean，先覺得一個普通emoji乞人憎」，更評論發文者指「一個emoji都可以令人咁困擾做人都幾辛苦下」。
ADVERTISEMENT
送香港迪士尼樂園20周年限定精品及一日門票！
