網上熱話｜港女成功申請綠置居 戀愛腦媽媽突要求帶新男友同住：應該點算好
香港地要上樓唔係易事，所以申請公屋或居屋成功的話，當然值得高興！早前一位港女成功與媽媽申請綠置居，但母親突然要求，想帶埋新男友同住，令她十分無奈，帖文即時引起大批網民討論。
港女成功申請綠置居
這位港女在社交平台發文，指與母親一同申請綠置居，亦已交了12萬訂金，原以為二人能夠開開心心等上樓，豈料母親卻突然提出1個無理要求，令她十分無奈。
戀愛腦媽媽突要求帶新男友同住
發文者表示，媽媽「已經冇乜工作能力」，但戀愛腦的她就與一位男士蜜運中，因此得知將有綠置居做安樂窩時，竟主動提出「想佢嘅男朋友之後同我哋一齊住」。發文者就坦言「我係一個女仔，我點可能同個三唔識七嘅麻甩佬一齊住呀」、「個麻甩佬都係廢柴一個，如果繼續交易，我係咪損失會更加大？」。
圖片來源：TVB《愛回家之開心速遞》劇照
網民留言突破盲腸
發文者於文末無助發問是否應該「及早止蝕？」、「我應該點算好」，又指與母親「因為呢個問題嘈咗好多次」。有網民就留言表示「唔駛嬲，個12萬你就當奶粉錢還俾你呀媽既」、「你咁年輕，唔使買住，以後結婚後先同老公計劃」、「你媽咁唔識諗，唔好拖住你媽，留返間公屋比佢養老，佢中意點搞就點搞」，亦有網民形容自己「突破盲腸」，只因「就當你唔買，你同你媽繼續住公屋，你又知你媽唔會叫個男人入嚟住？」。
