網上熱話｜港女搭港鐵遇柱女 盼用1招擊退 網民反應兩極
乘搭交通工具出入，在人多擠迫又或者趕時間的情況下，總會出現不少衝突與爭執。早前，一位港女分享自己乘搭港鐵時，就因為遇到一位「柱女」而選擇出奇招應對，未知你又覺得呢招好唔好用呢？
圖片來源：Threads
港女搭港鐵遇柱女
繁忙時間搭港鐵的確好難搵位坐，不少人都只可靠扶手保持平衡，但總有些人十分自私，喜歡全個人挨住扶手做「柱男／女」。早前一位港女就在社交平台上發文，分享近日搭港鐵時正正遇上「柱女」，片中可見該名女子反手捉著條柱，肩膊以至手臂位置則貼在柱上，令其他想用扶手的人「無從入手」。
圖片來源：Threads
用1招擊退對方無果
眼見「柱女」挨得咁起勁，發文者未有讓她如願，不僅繼續捉緊扶手，更想用1招擊退「柱女」。只見發文者在片中不斷用手指公「撩」女子的肩膊，揚言「我見佢挨咗落嚟幾次，又好似都feel唔到我隻手存在，所以我決定撩佢」。但片尾就未見「柱女」有反應，仍然緊靠著扶手。
網民反應兩極
對於發文者出動呢招企圖擊退「柱女」，網民的反應就比較兩極。有網民力撐指「做得好，靠妳了，男人做會被人叫返非禮」、「我對住d柱男柱女習慣係佢耳仔邊敲條柱」、「我試過人地訓咗落我隻手度，我嚇親即刻縮手，跟住佢個頭砰一聲撞柱」，亦有人不滿道「人哋挨柱，成條柱咁長你係要嗰個位嘅？」、「出聲咪得，咁做比人告你性騷擾」。
ADVERTISEMENT
😋請你嘆香港迪士尼20周年下午茶👇立即登記👇
