網上熱話｜港女睇樓遇奇怪租盤 驚見「情侶馬桶」：要拖手一齊屙？
要喺香港有個安樂窩的確唔易，上樓太難又排唔到公屋居屋的話，租樓絕對是很多人的首選方法。不過要找到啱心水又夾得嚟的業主，難度亦十分高。早前一位港女在社交平台分享，遇上奇怪租樓盤，引來大批網民熱烈回應。
圖片來源：ViuTV《大叔的愛》劇照
港女租樓睇盤驚現「情侶馬桶」
這位港女在社交平台發文，指自己早前想租樓，「話說之前去睇樓，個經紀話個盤啱我哋，地點交通方便」，於是她興致勃勃到現場實地考察，豈料被租盤內的洗手間設計嚇窒，只因廁所內有兩個相鄰馬桶齊齊整整地擺放，有趣又新穎的設計，令發文者不禁表示「呀業主夫婦有幾恩愛，要拖住手一齊屙係咪」。
圖片來源：Threads
圖片來源：Threads
苦呻幾平都唔想租 網民有新諗法
縱使經紀以「地點交通方便」作招徠，但發文者坦言「上到去見到呢個廁所嘅間隔，真係幾平都唔想租」，明顯對排排坐去廁所的設計十分不滿意。大批網民留言議論紛紛，有網民表示「一人一個，邊個整污糟就自己執返」、「呢個設計都幾好，如果你打開個屎塔，成個塔都係人哋屎尿，果下真係想X人，仲要幫人執手尾，先有得用」、「各自用唔洗嘈交」，亦有人質疑「一家有4枝牙刷，你習慣要一家4口拖住手刷係咪？」，惟事後即時被人反駁指「咁憤世做咩」、「都係講下笑下」。
ADVERTISEMENT
