網上熱話｜的士佬停燈位新搞作 攞出1物自娛自樂 獲網民封：的士歌王！
香港地出名工時長，留喺辦公室嘅打工仔間中可以hea下休息下，但長時間喺虎口般嘅馬路揸車嘅司機們，就真係要keep住打醒十二分精神。若然真係揸車揸到又悶又攰咁點算？近日有網民就發現一位的士司機，在停燈位期間自娛自樂，獲大批網民搞笑留言大讚「真係好正」！
圖片來源：TVB《降魔的》劇照
的士佬停燈位新搞作
近日，有網民在社交平台發文，直指目擊一個的士司機在停車等燈位時，「喺車拎枝咪唱歌」。從他上傳的影片中，可見片中的士司機右手托在軚盤上，而左手則拎住個咪對準個嘴高歌一曲。雖然司機樣貌被emoji遮擋，但憑他的雙唇和下顎都feel到其深情和對歌唱的認真！
網民搞笑留言
的士司機把握等燈時間唱k的影片在網上瘋傳，吸引不少網民搞笑留言。有網民表示司機「好自娛」、「做咗我平時想做嘅事」、「流動KTV」，亦有人為其配樂稱這個場景唱「沿途望出車外」或「紅色的跑車總是帶著神秘」就最應景，更有人形容片中司機是「被揸車耽誤嘅一位歌手」。
