網上熱話｜西客3個人訂兩層蛋糕 店主指可能食唔晒 事後竟提出1建議
近年不少人都鍾情網上購物，店主們需要無時無刻回覆客人，有時更會遇上一些無理要求。早前，一間蛋糕網店就在社交平台發文，直接公開西客訂蛋糕全過程，引來大批網民熱烈討論，未知你又點睇呢？
圖片來源：ViuTV《哪一天我們會紅》劇照
蛋糕店公開西客訂蛋糕實錄
早前，一間蛋糕網店的店主在社交平台發文，直接貼出與西客的對話。從對話截圖中，可見客人想訂一個10月26號取的蛋糕，惟對方要求多多之餘，態度亦十分麻麻，令店主無奈兼嬲爆！
被告知食唔晒後竟提出1建議
據悉，客人要求訂一個兩層的Pokemon蛋糕，盡責的店主即時問對方「請問幾多個人食？」，只因兩層的蛋糕就算最細size亦大約是18人份。惟在客人稱自己僅得3個人食蛋糕之後，店主因為擔心浪費就清楚表明蛋糕尺寸，「1 層蛋糕最細size for 5人」，豈料客人回應指「咁你每層整薄啲咪得囉，我地每人食少少，好簡單」。店主就堅稱「唔好意思，兩層做唔到咁細，3人每人食幾啖可以考慮5人size單層」，而客人就以「反白眼emoji」回應，並揚言「全部縮細咪得囉，好容易姐」。
店主極無奈 網民：咁容易叫佢自己整
店主與客人無疑是雞同鴨講，加上對方一句句「好簡單」、「好容易姐」令人睇到眼火爆，無奈的店主就表示：「阿媽話：禮貌同common sense呢家嘢，你有嘅話我使乜日日提你『叫人啦』、『唔好掟嘢啦』、『個腦呢』」。大批網民亦留言回應，有人坦言「同佢講，都係搵多15個人嚟食姐，好容易姐」、「分幾日每日食少少咪得囉，好容易姐」，更有人直指「咁容易叫佢自己整」。
ADVERTISEMENT
立即更新/下載AM730手機APP 體驗升級功能
