颱風樺加沙｜打風先嚟壞窗？裝修師傅教綁窗手法/膠袋攝窗 露台入水應對方法
颱風樺加沙迫近，相信不少人正在做防風準備，近日有一位90後裝修師傅在Threads上發文，教大家萬一不幸遇上壞窗，出現「鋁窗鎖耳甩左、鎖唔死」等情況，又或者窗開始出現漏風及入水情況應該點做，大家不妨參考一下！
過去亦有網民在八號風球及黑雨情況下，出現窗戶滲水及漏水問題，有網民教路，除了用舊衫及地布，亦可以用衛生巾(M巾)、尿片及寵物尿墊放在窗邊吸水。近日亦有一位90後裝修師傅就在Threads上發警世文，教大家如果萬一在打風前「壞窗」如何應對，「如果打風前 你地鋁窗鎖耳甩左 鎖唔死 一大風會吹開個窗 /漏風入水 希望呢d幫到你地」。
90後裝修師傅就在thread上發警世文，教大家如果萬一在打風前「壞窗」如何應對
打風壞窗解決辦法
1. 記得用電線/尼龍繩綁住 刁鉻/抽手
2. 用file夾/膠袋攝窗邊（防水膠邊失效時用）
3. 如果要痴膠紙 用3m皺紋紙/不留痕既膠紙
4. 用毛巾擺定窗台吸咀位 有咩事都叫唔會流到周圍都係
5. 他最後提醒，打風後最好找師傅檢查鋁窗維修
露台入水解決方法
另外並有上次超強颱風「山竹」威力的受害者，在Threads上分享當年滲水的慘況，引來不少網民集思廣益，總結出4招防水秘技。這位受害者上載了片段，可見其屋外的小露台無法去水，猶如一個「小泳池」，雨水亦因此由玻璃門湧入，他憶述當時「八個窗不停入水 不停抹地個8小時」，引來網民紛紛獻計及討論。
有上次超強颱風「山竹」威力的受害者，在Threads上分享當年露台入水慘況，引來網民集思廣益，總結出4大解決方法。
露台入水點算
1. 清渠位：「露台位有個去水，清一清先」、「趁個强颱風仲未到，建議你快啲去買個强力潛水泵，放係露台以備緊急抽水用…」
2. 阻隔：「在門口位放隔水板，廚房隔水那種。」、「我試過喺窗外面舖一層膠布，擋一擋啲風無咁應，啲水唔會吹入屋」
3. 引流跣水：「其實有啲似用浴簾原理，只要你有少少位卡一卡個簾底，大部份啲水唔會直接吹入屋會流返出面」、「你買啲有韌力嘅帆布斜向外，封住個騎樓位等啲水直接留去外面先，睇下work唔work」
4. 吸水：「尿片吸水能力強，可以用膠紙反貼門窗罅隙，的確有啲成本，但係唔洗成晚拖地抹地，紐毛巾到手痛」、「拎晒啲毛巾同舊衫狂攝先力保不失，所以真係要預備定多啲毛巾同舊衫」
ADVERTISEMENT
