醫護8號風球下返工Call車要求6點半準時到，自願加驚人小費大批司機反而唔想接。
超強颱風蘇拉襲港，由昨日起已有不少討論指今次的風勢將十分猛烈，各大超市的食物亦被搶購一空，仿佛全港市民都已經做好打足3日風的準備。不過，並非所有人都能夠在風球下留在家中，只因有不少行業的人仍然需要緊守崗位，當中就包括醫護人員。在8號風球懸掛前，有的士司機就在Call車APP上看到一個由醫護人員所落的Order，並寫明自己在風球下仍然需要返工，故希望司機能夠在9月1號早上6點半準時到，更主動提出加驚人小費，惟大批司機卻紛紛勸說「唔好接」！
醫護人員8號風球下照常返工。（圖片來源：TVB《白色強人》劇照）
颱風蘇拉｜8號風球現正懸掛 醫護人員照常返工只好提早Call的士
超強颱風蘇拉襲港，雖然大部分市民都停工停課，留到家中「Work from home」或享受颱風假，但仍然有不少行業的人士需要照常上班緊守崗位。一位的士司機就在社交平台上發文，指自己在Call車APP內看到一張由醫護人員的訂單，估計是知道9月1號早上會掛8號風球而預早落單Call車。訂單上寫明自己是「預約」，要求在「9月1號上午6時30分」，更強調「請準時」、「醫護人員返工」。
過往的超強颱風山竹亦對香港破壞嚴重，的士甚至要排隊換玻璃。（資料圖片）
颱風蘇拉｜全程僅3.2公里路程 卻自己提出加驚人小費
因為是有限時間的預約及遇上颱風天，這位醫護人員為了能夠順利Call車返工，更不惜主動提出加驚人小費，寫明「小費$100」。其實他所Call車的起點為馬鞍山「大水坑停車場」，終點則是沙田「廣源邨廣楊樓」，全程其實僅得3.2公里，正常的車資大概為$48-53元，所以$100的小費其實已是車資的一倍，出手闊綽！
乘客自己提出額外加100蚊小費。（圖片來源：Facebook@的士乘客及司機行為分享區）
颱風蘇拉｜司機反而力勸唔好接：搵命搏咩！
這張訂單一出，旋即引來不少的士司機熱議，有司機表示路途極短加上晨早時段，理應「無乜車」、「10分鐘就賺成舊水」、「好著數喎」，更積極鼓勵發文者接單，揚言「唔好咁貪心啦」、「100蚊好多啦！」不過，亦有大批司機紛紛勸喻「唔好制」，只因在8號風球下行車無疑是「搵命搏」、「唔好為咗100蚊搞咁多嘢」。
的士司機的反應各異。（圖片來源：TVB《降魔的2.0》劇照）
