有Chiikawa粉絲表示周日晚市時段往旺角朗豪坊的「吉伊卡哇拉麵」，觀察到餐廳近半出現「吉位」。事主對此冷清情景「唔忍心」，決定再入去幫襯及買周邊產品。(Chiikawa HK Fans Club FB)
Chiikawa近年於香港連番掀起熱潮，不少周邊商品均大受歡迎，惟高峰期過後亦要面對客流考驗。社交平台有Chiikawa粉絲表示，周日(17日)於晚市時段往旺角朗豪坊的「吉伊卡哇拉麵」(Chiikawa拉麵店)附近時，觀察到餐廳近半出現「吉位」。事主對此冷清情景「唔忍心」，決定再入去幫襯及買周邊產品，事件亦引起網民討論Chiikawa主題餐廳的經營挑戰。
「吉伊卡哇拉麵」朗豪坊分店為全球最大及首間海外分店，於去年8月開業，店內拉麵定價為115港幣至150港幣不等，設有87個座位，開業初期曾實施預約制，一位難求，場內有非常多Chiikawa布置，更有立體雕塑打卡位。
有粉絲facebook周一在社交平台群組「Chiikawa HK Fans Club」上，以「你～還記得佢嗎？」為題，分享「吉伊卡哇拉麵」狀況。事主表示，周日下班後原先前往MOKO新世紀廣場的Chiikawa 限定店感受氣氛，及後臨近晚上8時前往朗豪坊尋找餐廳晚餐，當走到「吉伊卡哇拉麵」店外觀察時，發現晚市黃金時段卻有近半座位空置，事主形容當刻「心都噏埋」。他坦言以過百元的價格，坊間有更多質素更好的拉麵選擇，但因為「唔忍心見佢咁冷清」，最終決定再次入內光顧，並購買周邊商品。他坦言菜單單一且選擇少，「根本無必要再去多次，再幫襯也許是愛吧」，又詢問其他粉絲會否再次光顧。
「純粹為咗Chiikawa食一次就夠」
帖文一出隨即引起Chiikawa粉絲討論。有人認為價格及食物質素均未能留住食客：「定價同質素唔成正比」、「見到價錢已經唔想幫襯，睇埋食評更加打消念頭」、「百幾蚊一碗唔係問題，但食過真係唔好食」、「我認識嘅人曾經幫趁過呢間拉麵店，結論係唔好食，純粹為咗Chiikawa食一次就夠」、「如果唔係有chiikawa個產品頂住，邊有人幫襯」。也有人指出主題熱潮已經減退，認為「主要熱潮過左，就要拼食物質素了」。同時亦有人指與香港市道問題有關「香港依家咁的市道，貴的都難搵人去」、「香港飲食業一向成本貴，依家咁嘅環境，人人weekend北上，拉麵唔係平又唔係特別好食，好多粉絲試過打過卡就算，都真係唔怪得人」、「留錢去日本先食好過… 仲要平一半」。
ADVERTISEMENT
