NBA｜改例鼓勵搏大霧 每節臨完前「遠距離試射」不計出手次數
如果睇開NBA，每逢一節完結前，好多時球員在後場拿到波，就算時間只剩一兩秒，都會嘗試超遠距離投射搏大霧， 入唔到冇損失，好彩入到就多3分。不過亦有部分球員唔想咁做，原因好簡單，球員知道命中率極低，不想影響個人命中率。
但由新一季開始，呢類壓哨遠投將只計入球隊出手，唔會計入球員個人數據。據ESPN報道，聯盟老闆會議已經批准此更改。
聯盟希望新規例能鼓勵更多球員在節末真正出手，縱使命中機會不大。聯盟特別希望見到更多類似波士頓塞爾特人球員佩查特（Payton Pritchard）這類專攻壓哨投籃的球員出現，提升球賽的可觀性。此外，理事會會議還有其他決定：
Payton Pritchard and the end of quarter three-pointers.
— Tomek Kordylewski (@Timi_093) June 12, 2024
Name more iconic duo, I dare you. pic.twitter.com/oWdta8T3gA
教練挑戰時間料縮短
• 由今季開始，若出界判決觸發教練挑戰，將由重播中心裁判進行決定，而非場上首席裁判，以加快檢視流程。
• 從2026至27年賽季開始，季中錦標賽（NBA Cup）只有決賽會在中立場地（現時為拉斯維加斯）舉行，四強賽則改為由各自分區排名較高球隊主場承辦。至於2025至26年賽季仍會沿用「舊」模式，即四強及決賽都在拉斯維加斯進行。
原文刊登於 Yahoo 體育
ADVERTISEMENT
