另一場歐聯8強次回合，多蒙特回師主場再鬥馬德里體育會。多蒙特今屆歐聯主場滴水不漏，連場保持不失，首回合僅落後1比2，未必會甫開賽就施展猛烈攻勢。始終，馬體會打大賽向來是防守專家，今戰吼「入球」細啱數！(球賽編號FB4751，4月17日03:00開賽)
多蒙特首回合作客馬體會，上半場全程捱打，結果半場未夠已落後兩球。換邊後主帥迪錫調入祖利安白蘭特、施巴斯坦賀拿與拜奴傑廷斯後，球隊演出大有進步；終憑中鋒賀拿尾段建功，追成1比2較接近比分。
剛過去的德甲，多蒙特雖然作客2比1擊敗慕遜加柏；不過賀拿早段傷出，缺少了這名高大中鋒，若然遇上對方今夜泊大巴，對前線破密集能力必有所影響。馬體會上仗歐聯藉前場逼搶，上半場已鎖定勝局；上仗西甲3比1反勝基羅納，勇態持續。可惜季內演出極搶鏡的森美爾連奴黃牌夠數今場停賽，迪比又繼續養傷，左路火力勢必大打折扣。
主帥施蒙尼踢大賽向來保守，如今領先2比1，今戰更小心翼翼。畢竟馬體會今屆主強客弱，近4戰歐聯作客只贏飛燕諾；遇上今屆歐聯主場4戰2勝2和只失1球的多蒙特，今場入球不會多！
相關連結：香港賽馬會網頁