「拖肥」愛華頓自從季初搬入新主場希德，暫時成績尚可，主場更0失球；今晚深夜在英超本輪壓軸鬥頹極的「鎚仔幫」韋斯咸，倒戈主帥莫耶斯必下令揮軍進攻，求一吐剛戰英聯盃出局悶氣，主勝可捧。(球賽編號FB6764，9月30日03:00開賽)
「拖肥」愛華頓上周中在英聯盃第3圈作客0比2不敵英超包尾的狼隊出局，戰果表面有點意外；其實前者一向不太重視英聯盃，連同今屆，近5屆4次在第3圈止步，而主帥莫耶斯對比前仗打吡戰作客受挫利物浦，正選作出多達7個調動，幾位中前場主力包括達斯貝利賀爾、比圖比東卡、伊利文尼戴耶及基亞利殊，只在該仗盃賽下半場陸續登場，寓賽於操。
愛華頓出擊箭頭，放在今晚深夜英超主場鬥尾二的「鎚仔幫」。今年年初再度接手「拖肥」的主帥莫耶斯，之前兩度領軍「鎚仔幫」多年，並在2023年為該倫敦球會捧走歐協聯錦標，之後翌季仍要約滿黯然離隊。
為「拖肥」也好，為自己名聲也好，莫帥今場將盡遣精銳出場；球隊季初在新主場希德兩戰聯賽先以2比0打敗白禮頓，然後跟阿士東維拉互交白卷，連同英聯盃第2圈，累計3戰主場0失球，今場遇開季聯賽5戰4敗的「鎚仔幫」，拖肥反底已是大好良機。
查洛保雲
紐奴走馬上任掌韋斯咸
韋斯咸上仗聯賽1比2不敵水晶宮，開季5戰聯賽4敗共失13球，球會匆匆在上周末辭退樸達，由前諾定咸森林主帥紐奴上任；但門將不論用靴文臣或艾路拿，中堅用圖迪保或馬夫洛柏路斯，夥拍麥斯基爾文，防線一樣漏水，新帥未磨合難即變身反彈。
客隊前線只靠射手查洛保雲獨撐，中場主力湯馬士蘇錫克今場繼續停賽，防守失去重要屏障，今場恐怕難逃聯賽3連敗厄運。
ADVERTISEMENT
