眾星期盼熱刺訪港 余德丞手握多張門票揀最佳觀賽角度
新鮮出爐的歐霸盃冠軍熱刺與英超強豪阿仙奴將於7月31日在香港啟德體育園上演首次英國海外的北倫敦打吡表演賽。不單止引發搶票熱潮，更令本地一眾藝人都充滿期待。
圈中知名熱刺忠粉余德丞早前更親赴西班牙觀看歐霸杯決賽，以行動支持心儀球隊。對於即將到來的香港之戰，他笑言正苦惱如何選擇當日球衣︰「我買咗幾十件熱刺波衫，都唔知揀邊件入場去睇好。」更透露已購入當日不同位置的多張門票，計劃遊走場內尋找最佳觀賽角度。
余德丞︰買咗幾十件熱刺波衫
除了孫興民和中堅雲迪尹（Micky van de Ven），余德丞亦期待見到新加盟的翼鋒古達斯（Mohammed Kudus），以及觀察熱刺在新帥法蘭克（Thomas Frank）帶領下會有哪些新戰術變化。
余德丞對比此前在啟德觀賽香港隊對陣印度隊時的經歷時指出，當時現場99%的觀眾都是支持港隊，齊心對外，這次熱刺對陣阿仙奴將會是紅白分明的陣營對決，會更熱血，鬥爭味更濃。他強調此戰意義非凡，「第一次北倫敦打吡打嚟到香港，雖然話友誼賽但係其實可能又未必咁友誼，會打牙骹戰，期待好好嘅氣氛。」
阿Mic、Kiki齊期待
其他本地藝人同樣難掩興奮，歌手阿Mic周卓盈已經購入熱刺球迷區門票，準備沉浸式體驗英式狂熱氣氛，「我好少同一大班熱刺嘅球迷一齊支持自己鐘意嘅球隊，都期待大家會唔會好似喺英國熱刺主場咁，會唱歌或者會唔會有一啲唔同嘅事情發生。」
而因為出演Viu TV節目《足球女將》而愛上足球的運動KOL吳慧琪（Kiki）則點名表示期待在啟德見到孫興民的招牌慶祝動作。作為新晉足球女將，她表示開始踢球後觀賽的視角不同「會睇球員點走位、點配合，明白原來咁難，參與感更強。」
孫興民成萬眾焦點
當被問及最期待在啟德見到哪位球星落場時，球迷們的答案基本上離不開隊長孫興民，雖然明年約滿熱刺的他去留尚未定案，不過根據熱刺與亞洲之行主辦方所簽訂的合約，在啟德親眼目睹這位亞洲天王的概率應該頗大。
談及香港隊近日在東亞杯表現，余德丞展現球迷胸懷「始終實力上有啲距離，最緊要系試過唔得噉咪再試咯，同埋下半場都有機會入到波，最緊要系大家，齊心撐（港隊）。」
阿Mic與Kiki同樣表達支持，阿Mic更留意到本地足球氛圍的積極變化，「見到周圍有家長送小朋友去學足球，非常欣賞！希望香港人可以繼續支持香港足球，睇多啲佢哋比賽。」
立即更新/下載AM730手機APP 體驗升級功能
