轉戰日本鬥橫濱水手紅軍必攻「大」騷可期

英超冠軍利物浦的亞洲之旅第二站日本，今日黃昏將在日產體育場出戰日職橫濱水手。「紅軍」之前在香港不敵AC米蘭，今場預計會有射手達雲紐尼斯(Darwin Nunez)復出，應會全力爭取贏波省靚招牌；適逢水手近況終見回升，今場「入球」大盤可捧。(球賽編號FB3789，7月30日18:30開賽；HOY 76台現場直播)

利物浦早前訪港掀起熱潮，雖然輸2比4，但香港的「紅迷」大部分都心滿意足收貨。主帥史洛(Slot)賽後提到，不敵AC米蘭其實都有得益，球員狀態有所提升；而球隊在今次亞洲之旅目標是盡量給予所有球員有一定落場時間，亦因此可見在對「紅黑兵團」之役，上、下半場陣容基本上是徹底輪換，預計今場部署一樣。

利物浦未開季即遇中堅荒

據報在香港因輕傷缺陣的日本中場遠藤航及前鋒達雲紐尼斯，今場預計會雙雙復出披甲。至於守將祖高美斯(Joe Gomez)因傷已提早離隊，令球隊只餘兩位正規中堅，一號門將艾利臣比加(Alisson Becker)因私人理由，提早離開日本；防中賴恩格雲貝治(Ryan Gravenberch)，上仗串演中堅亦有不俗表現，主帥當然可以放膽繼續試陣，以攻為守。

此外，由法蘭克福加盟的重磅前鋒伊基迪基(Ekitike)，已投入大軍操練；雖然仍要更多時間融入球隊，但相信今場會有一定時間落場，催谷狀態。「紅軍」雖然上仗發揮一般，尤其防守失誤多；但中場蘇保斯拉爾(Szoboszlai)及前鋒加普(Gakpo)入波都見功架，今場紅軍眾鋒將繼續顯示射術。

水手新兵難救近火

另邊廂，水手經過半季低迷，近期狀態終見改善，聯賽連勝；包括上仗以3比0大炒名古屋鯨魚，正好以佳態出戰英超勁旅。球隊近期簽入新兵外援包括前鋒甸恩大衛(Dean David)及中場尤里阿勞祖(Yuri Araujo)，今戰都有望在主場球迷面前一顯實力；而另一新加盟的土炮前鋒谷村海那，已在上仗聯賽建功「開齋」，磨刀霍霍，會以攻破「紅軍」大門為主要目標。

相關連結：香港賽馬會 - 足球資訊 - 賽前分析