職場確診真人騷

【當確診都變成動態】

筆者年少時，主修理科，悉知道：一個「系統」中有很多粒子，互相撞擊，相互影響……整個系統不變，但內裡卻「動盪」。筆者長大後修讀過管理，又學懂了：在大環境、複雜的條件下，很多因素都是動態(dynamic) ；當時覺得，只要增加自己的知識，提高覺察力，動態都能「運籌為握」，人定勝天！

今天筆者頓悟了，原來當一個科學的狀況，都可能變成「動態」的時候，相信大家都要花些少時間來適應。今期，想透過四個貼地的個案，跟大家幽默一番。

【個案一：無病徵，密切接觸者】

阿天：「喂！早晨呀經理！我有啲嘢想同妳傾傾……」

經理：「依家都9點幾！咩事？」

阿天：「我屋企人有啲唔舒服！快速測試陽性！」

經理：「咁你呢？」

阿天：「我剛才快速測試陰性，但係，我現在有可能喺密切接觸者，唔知返唔返公司好？」

經理：「梗係唔好返公司最安全！」

阿天：「咁我當喺放假？還是在家工作？還是……」

【個案二：自測初陽，但未確診】

阿佑：「經理早晨！我今朝原本約咗嗰客上佢公司拜訪，依家改咗做zoom，我通知聲你先！」

經理：「無問題！咁你見完嗰客，連埋呢兩嗰禮拜嘅報告，返公司同我匯報一下吖！」

阿佑：「好！經理！匯報唔喺問題！問題喺……」

經理：「問題喺啲單傾唔成？」

阿佑：「都唔喺！全部都成交！只不過……」

經理：「咁咪得囉！全部都成交！叻仔！仲有咩嘢『不過』？」

阿佑：「只不過我昨晚自我檢測呈陽性，今早托家人交咗樽仔……可惜周圍聽到：冇五至八日，唔洗望出到報告！」

經理：「咁阿佑你現在即是：確診？疑似確診？」

阿佑：「這種『初陽，等待確診』處境既市民，相信現在有成千上萬積存喺社區……」

【個案三：已確診，但經已自測陰性】

老闆：「早晨呀阿香！係我，老闆呀！休息咗兩個禮拜，好返啲未呀？家人好嗎？」

阿香：「噢！老闆，真喺諗都冇諗過你親自打過嚟！有心！有心！好好多啦……」

老闆：「咁就好啦！聽講妳在家隔離，都仍堅持居家工作，我都好感動！聽行政同事講，妳仲準備緊復工；咁現在妳既具體情況喺點呢？」

阿香：「我之前自我檢測初陽，後來正式取樣，等咗七日，確實喺陽性！過程中，我每日都自我檢測，喺我收到陽性報告嗰日開始，其實我自我檢測都經已轉返做陰性，身體嘅病徵都消退得八八九九……」

老闆：「咁即喺點？」

阿香：「我喺收到陽性當日，又知道自檢陰性，所以馬上又交咗個樽仔，預期結果喺陰性，只可惜……」

老闆：「咁即喺點？」

阿香：「只可惜，咁又等咗七日，仲未收到報告……其實我近七日嘅自我檢測，全部都陰性！」

老闆：「咁即喺點？」

【個案四：上述三種情況都不是】

周朗：「喂！廣仁，你睇住篇專欄，粒聲唔出，好多嘢諗咁喎？」

廣仁：「睇完三個故事，全部都唔陌生，好似都喺身邊發生緊，只喺，太過『動態』！有時唔肯定自己屬於邊種情況？有啲迷惘咁啫！」

周朗：「廣仁，冇『確診』咪好囉！你好想喺咩？健康嘅你，記著要緊守崗位，做好本份之餘；若有能力，關心下其他人！」

【筆者確診了】

周朗由個案四，轉入個案一，繼而變成個案二。預計過多兩天就會演變成為個案三……

各位讀者，今期搞咗個冷笑話：

請大家把上述四位主角的名字順序讀一次！祝福您！

下周三再見！