上車客即睇即買嘉湖山莊三房 呎價不足9000元 代理：筍價成交

踏入12月，樓市有回暖跡象，不少買家重投市場入市，帶動成交加快。中原地產黃海表示，天水圍嘉湖山莊本月累錄7宗成交，相比上月同期多17%。

嘉湖山莊樂湖居11座中層D室，實用面積約551方呎，三房間隔。一個月前開價550萬元，一周前降價至510萬元，新近有買家即睇即買，即場議價後以495萬元成交，累減55萬元或約10%，呎價約8,984元。黃海指，同類單位近期造價普遍超過500萬元，是次成交價屬「筍價」。

本預約睇另一低價盤 惟已賣出

黃海透露，買家為上車客，原本已預約參觀另一個低價盤，但未睇樓便以480萬元賣出，遂睇上述同類單位，單位享開揚公園景致，內櫳企理，一睇即中，因見近日市況改善，平盤急速消化，料樓市快將見底回升，故即場拍板承接。

原業主於1993年以135萬元買入單位，持貨29年轉售，帳面獲利360萬元或近2.7倍。